ނ. ކެނދިކުޅުދޫ ކައުންސިލުން އިންތިޒާމު ކޮށްގެން 2022 ވަނަ އަހަރުން ފެށިގެން ކޮންމެ އަހަރަކު ކުރިޔަށް ގެންދާ، "ދި މެންގްރޫވް އައިލެންޑް ފުޓްބޯލް ޗެމްޕިއަންޝިޕް 2026"، މިއަހަރު އޭޕްރިލް 20 ވަނަ ދުވަހު ފެށުމަށް ވަނީ ހަމަ ޖެހިފައެވެ. ވޭތުވެދިޔަ ދެ އަހަރެކޭވެސް އެއްފަދައިން މިއަހަރުގެ މުބާރާތަކީވެސް މުޅި ރާއްޖެއަށް ހުޅުވާލައިގެން ކުރިޔަށް ގެންދާ މުބާރާތެކެވެ. ޓީމް ރަޖިސްޓަރ ކުރުމަށް 20 ފެބުރުއަރީ 2026 ވާ ހުކުރު ދުވަހުގެ 23:59 ގެ ނިޔަލަށް ހުޅުވާލަމެވެ. ޓީމް ރަޖިސްޓަރ ކުރުމަށް ތިރީގައިވާ ލިންކް މެދުވެރިކޮށް އޮންލައިން ރަޖިސްޓްރޭޝަން ފުރިހަމަ ކުރެވޭނެއެވެ.

ރަޖިސްޓްރޭޝަން ފޯމް ލިންކް: 

މިމުބާރާތުގެ 2025 ވަނަ އަހަރުގެ ޤަވާއިދުގައި ބަޔާންކޮށްފައިވާ ގޮތަށް ވޭތުވެދިޔަ އަހަރުގެ ޗެމްޕިއަން ޓީމް (ވިންޑް ވޯރިއަރސް ސްޕޯޓްސް ކްލަބް) އަދި ރަނަރަޕް ޓީމް (ނައިފަރު ޗެލްސީ ސްޕޯޓްސް ކްލަބް) އަށް ވާނީ ޖާގަދީފައެވެ. 2026 ވަނަ އަހަރުގެ މުބާރާތުގައި ޖުމުލަ ވާދަކުރެވޭނީ 10 ޓީމަށެވެ. އެހެންކަމުން، ފޯމް ފުރުއްވާ ތަރުތީބުން ޖާގަދެމުން ގެންދާނެ ވާހަކަ ދަންނަވަމެވެ.

މި މުބާރާތުގެ ޤަވާއިދު އެކުލަވާލުމުގެ މަސައްކަތް ނިމުނުހާ އަވަހަކަށް، ޤަވާއިދު އާންމު ކުރެވިގެންދާނެއެވެ.

"ދި މެންގްރޫވް އައިލެންޑް ފުޓްބޯލް ޗެމްޕިއަންޝިޕް 2026" ސްޕޮންސަރ ކުރަން ބޭނުންވާ ފަރާތްތަކަށް ސްޕޮންސަރ ހުށަހެޅުމުގެ ފުރުސަތުވެސް އޮންނާނެއެވެ. ސްޕޮންސަރ ކުރެއްވުމަށް ބޭނުންވާ ފަރާތްތަކުން ކެނދިކުޅުދޫ ކައުންސިލްގެ ސްޕޯޓްސް މެއިލް (

) މެދުވެރިކޮށް ޝައުގުވެރިކަން ފާޅުކުރެއްވުމަށް ދަންނަވަމެވެ. އިތުރު މަޢުލޫމާތު ހޯދުމަށާއި މަޢުލޫމާތު ޙިއްސާކުރުމަށް އެސޯސިއޭޓް ކައުންސިލް އޮފިސަރ ޙުސައިން ޞަލާޙް (9899877) އަށް ގުޅުއްވުން އެދެމެވެ.

ވީމާ، މިކަން ޢާންމުކޮށް އަންގާ އިޢުލާން ކުރަމެވެ.

ދި މެންގްރޫވް އައިލެންޑް ފުޓުބޯލް ޗެމްޕިއަންޝިޕް 2026

Noonu Kendhikulhudhoo

Noonu Kendhikulhudhoo