ކުޑަކުދިންގެ ދުވަހުގެ ހަރަކާތްތައް ފެށުމުގެ ގޮތުން ނ. ކެނދިކުޅުދޫ ކައުންސިލުން އިސްނަގައިގެން ވަނީ ކުޑަކުދިންނަށް "ހަދިޔާ ޕިކަޕް" ބުރެއް ބާއްވާފައެވެ. މިޕިކަޕް ވަނީ ކުޑަކުދިންނާގުޅޭ ތަފާތުވައްތަރުގެ ހަދިޔާ ތަކުން ފުރާލެވިފައެވެ. މިހަދިޔާ ޕިކަޕުގައި އެކި ކެރެކްޓަރ ތަކާއި އަދި ފޮޓޯ ނެގުމަށް ކުޑަކުދިންގެ ދުވަހާ ގުޅޭގޮތަށް ޑިޒައިން ކުރެވިފައިވާ ފޮޓޯ ފްރޭމްތައްވެސް ހުށްޓެވެ. މުޅިދުވަހުގެ ހަވީރު މަގުތައްމަތިން ފެންނަމުންދިޔައީ ކުޑަކުދިންގެ ރީތި ހިތްގައިމު ހިނިތުންވުންތަކެކެވެ.