(ރަޖިސްޓްރީކޮށްފައިވާ ނޫސްމަޖައްލާ އާއި ޚަބަރު ފަތުރާ އިދާރާތަކުގައި މަސައްކަތް ކުރައްވާ ފަރާތްތަކަށް)

09 ސެޕްޓެމްބަރު 2023 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގެ ވޯޓު ނެގުމާއި، ވޯޓު ގުނުމުގެ ކަންތައްތައް މޮނިޓަރުކުރުމަށް ޝައުޤުވެރިވާ ފަރާތްތަކަށް (ރަޖިސްޓްރީކޮށްފައިވާ ނޫސްމަޖައްލާ އާއި ޚަބަރު ފަތުރާ އިދާރާތައް)، އެކަމަށް އެދި ފޯމު ހުށަހެޅުމުގެ ފުރުޞަތު 2023 ޖުލައި 19 އިން 2023 އޮގަސްޓް 13 ގެ ނިޔަލަށް، ރަސްމީ ބަންދު ނޫން ކޮންމެ ދުވަހަކު ހެނދުނު 09:00 އިން މެންދުރުފަހު 03:00 ، ރަސްމީ ބަންދު ދުވަސްތަކުގައި ހެނދުނު 09:00 އިން މެންދުރުފަހު 03:00 އަށް އަދި ހުކުރު ދުވަހު މެންދުރުފަހު 03:00 އިން ހަވީރު 05:00 އާ ހަމައަށް ހުޅުވާލެވިފައިވާ ކަމުގައި އިލެކްޝަންސް ކޮމިޝަނުން އަންގަވާފައިވެއެވެ.

އަދި މިމެއިލްއާއެކު ރިޔާސީ އިންތިޚާބު 2023 ގެ ވޯޓު ނެގުމާއި، ގުނުމުގެ ކަންތައްތައް މޮނިޓަރުކުރުމަށް ޝައުޤުވެރިވާ ފަރާތްތަކަށް (ރަޖިސްޓްރީކޮށްފައިވާ ނޫސްމަޖައްލާ އާއި ޚަބަރު ފަތުރާ އިދާރާތަކަށް) އެކަމަށް އެދި ފޯމު ހުށައެޅުމުގެ ފުރުސަތު ހުޅުވާލައި އެކޮމިޝަނުން ކުރައްވާފައިވާ އިޢުލާން، މޮނިޓަރަކަށް ވުމަށް އެދޭ ފޯމް، އިޤުރާރު، ލިސްޓްގެ ޓެމްޕްލޭޓް އަދި ސުލޫކީ މިންގަނޑު ފޮނުވީމެވެ.

މިއިޢުލާން އާންމުކޮށް ފެންނަން ހުންނާނެހެން ބަހައްޓަވައިދެއްވުމަށްފަހު މިއިދާރާއަށް އަންގަވައިދެއްވުން އެދެމެވެ.

މޮނިޓަރކުރުމަށް ފޯމު ހުށަހެޅުމާއި ބެހޭގޮތުން އިލެކްޝަނުގެ ނޯޓު: ފޯމު ހުށަހަޅާނީ ފޯމުހުށަހަޅުއްވާ ފަރާތުން އީމެއިލް މެދުވެރިކޮށެވެ. ފޯމު ހުށަހަޅަން ބޭނުންވާ ފަރާތްތަކުން، ފޯމާއި ލިޔެކިއުން ފޮނުވާނީ omc@elections.gov.mv އަށެވެ. ފައިލް ސައިޒް 10mb އަށް ވުރެ ބޮޑުވެގެން މި ކޮމިޝަނަށް ނުލިބޭ އީމެއިލްތައް ބެލެވޭނީ ހުށަނާޅާ ފޯމެއްގެ ގޮތުގައެވެ.

އިއުލާންގެ ލިންކު: https://gazette.gov.mv/iulaan/249369

20 ޖުލައި 2023