ކޮމްޕިއުޓަރ ޓެކްނީޝަން

ޕަބްލިކް ސަރވިސް ރޭންކް 5 - ސްޓެޕް 1

ކޯޕަރޭޓް އެފެއާޒް ސެކްޝަން

ވަޒީފާ އަދާކުރަން ޖެހޭ ތަން:

މިލަދުންމަޑުލު ދެކުނުބުރީ ކެނދިކުޅުދޫ ކައުންސިލްގެ އިދާރާ، ނ. ކެނދިކުޅުދޫ / ދިވެހިރާއްޖެ

ޙާޞިރުވާ ކޮންމެ ދުވަހަށް -/75 ރުފިޔާ

އެހެނިހެން އެލަވަންސް:

1.       ދައުލަތުގެ ޕޭ ފްރޭމްވަރކްގެ މިންގަނޑުތައް (01 ނޮވެންބަރު 2025 އެއްގޮތަށް) އިތުރު ގަޑީގެ ފައިސާއާއި އެހެނިހެން އިނާޔާތްތައް ލިބޭނެއެވެ.

2.       ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް:

1.       ކައުންސިލްގެ އިދާރާގެ މަސައްކަތްތަކާއި ކައުންސިލްގެ ނިންމުތައް ތަންފީޒުކުރުމާގުޅޭ އެންމެހާ ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ފުރިހަމައަށް ޖަވާބުދާރީވުން.

2.       ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ،އެފަދަ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހައި ކަންތައް ސެކްރެޓަރީ ޖެނެރަލުގެ ނުވަތަ ސުޕަރވައިޒަރުގެ ލަފަޔާ އިރުޝާދުގެ މަތިން ކުރުން.

3.       އައިޓީއާއި ގުޅުންހުރި އެންމެހާ މަސައްކަތްތައް އޯވަސީ ކުރުން އަދި ޑިޕާޓްމަންޓުގެ މުވައްޒަފުންނަށް މަސައްކަތްކުރުމުގައި އަރުވަންޖެހޭ ފަންނީ ލަފަޔާ މަޝްވަރާ އެރުވުމާއި ޑިޕާޓްމަންޓް ހިންގުން.

4.       މުވައްޒަފުންނަށް އާއެކައުންޓް ހުޅުވުމާއި،ޕާސްވޯރޑް ބަދަލުކުރުމާއި ޓްރަބަލްޝޫޓްކުރުންފަދަ ޖެމްސް ޕޯޓަލްގެ އެންމެހާ މަސައްކަތްތައް ކުރުން.

5.       މައިކްރޯސޮފް 365 ޔޫސަރ އަދި އިންޓަރފޭސް މެނޭޖްމަންޓްގެ މަސައްކަތްކުރުން.

6.       އިންފޮރމޭޝަން ޓެކްނޮލޮޖީއާއި ގުޅުންހުރި ކަންކަމުގައި ކުރަންޖެހޭ މަސައްކަތްތަކަށް ޖަވާބުދާރީވުން.

7.       ޔުނިޓުގެ ސްޓްރަޓެޖިކް ޕްލޭން އެކުލަވާލާ ތަންފީޒުކުރުމުގެ މަސައްކަތް ކުރުން.

8.       ޑިޕާރޓްމަންޓާއި ގުޅުންހުރި ސިސްޓަމްތަކުގެ ޕޮލިސީސްއާއި ޕްރޮސީޖާތައް ޑިޒައިންކޮށް،ޑިވެލޮޕްކޮށް،އެކަންތައް އިމްޕްލިމެންޓްކުރުމުގެ މަސައްކަތް ހިންގުން.

9.       އިންފޮމޭޝަން ސިސްޓަމްގެ ގަވާއިދު ތައްޔާރުކޮށް،އެގަވާއިދުތަކަށް މުވައްޒަފުން ހޭލުންތެރިކުރުވުމުގެ ހުރިހާ ކަމެއްކުރުން.

10.   ކޮމްޕިއުޓަރ ބޭނުންކުރާ ފަރާތްތަކަށް،ބޭނުންވާ ތަމްރީން ދިނުމާއި ކޮމްޕިއުޓަރ އެކިއެކި ސޮފްޓްވެއަރ ބޭނުންކުރާނެ ރައްކާތެރި ފަސޭހަގޮތްތައް ބުނެދީ އަހުލުވެރިކުރުވުން. 

11.   އިދާރާގެ އިންޓަރނެޓް އަށް ދިމާވާ މައްސަލަތައް ޙައްލުކުރުމާއި،ޑައިގްނޯސިސް ހެދުމާއި،ކަނެކްޝަން ދިނުމާއި،އެހީތެރިކަން ފޯރުކޮށްދިނުމާއި،އިންޓަރނެޓް ސްޕީޑް ޗެކްކުރުމާއި،އެކަށީގެންވާ ސްޕީޑެއްގައި އިންޓަރނެޓް ކަނެކްޝަން ސިސްޓަމްތަކަށް ލިބިދެވޭކަން ކަށަވަރުކުރުން.

12.   ނެޓްވޯރކް އަދި ހާރޑްވެއަރ ރައްކާތެރިކަން ކަށަވަރު ކުރުމާއި،އެންކްރިޕްޓް ކުރަންޖެހޭތަކެތި އެންކްރިޕްޓް ކުރުމާއި،ޑިކްރިޕްޓް ކުރަންޖެހޭ ތަކެތި ޑިކްރިޕްޓް ކުރުމާއި،ސެކިއުރީ ތްރެޓްސްތައް ދެނެގަތުމާއި،ދެވިފައިވާ ޕާސްވޯރޑް ތަކަކީ ސްޓްރޯންގް ޕާސްވޯރޑްތަކެއްކަން ކަށަވަރުކުރުމާއި،ފަޔަރ ވޯލް ބޭނުންކުރުމާއި،އެކްޓިވިޓީތައް މޮނިޓަރ ކުރުން.

13.   ސިސްޓްމް ތަކުގެ ބެކްޕްނެގުމާއި،ކްލައުޑްގައި ރަށްކާކުރުމާއި،ސިސްޓަމްތަކުގެ ސެކިއުރިޓީ ވަރުގަދަކޮށް،ބެކަޕް ޕްލޭން އެކުލަވައިލާ ތަންފީޒުކުރުން.

14.   ސިސްޓަމްތަކަށް އެންޓިވައިރަސް ސޮފްޓްވެއަރ އެޅުމާއި،ފަޔަރވޯލް އޮންކުރުމާއި،ކޮންމެދުވަހަކުވެސް ސެކިއުރިޓީ ސިސްޓަމްސް ޗެކް ކުރުމާއި،ދިމާވެދާނެ ނުރައްކާތަކުން ނެޓްވޯރކާއި ވިއުގަ ރައްކާތެރި ކުރުމާއި،ކަނޑައެޅިފައިވާ އުސޫލެއްގެ މަތިން ސިސްޓަމްތަކުގެ އަދި ސާރވަރ ބެކަޕް ނެގުމާއި،އެއްވެސް ސިސްޓަމަކަށް ވައިރަސް ވަދެއްޖެނަމަ އެސިސްޓަމް ނެޓްވޯރކް އިން ޑިސްކަނެކްޓް ކުރުމާއި،ކޮންމެހެން ބޭނުންވާ ސޮފްޓްވެއަރ އެއް ނޫންނަމަ ސިސްޓަމްއަށް އިންސްޓޯލް ނުކުރުމާއި،ސިސްޓަމަށް ސޮފްޓްވެއަރ އިންސްޓޯލް ކުރުން ކޮންޓްރޯލް ކުރުމާއި،އަދިވެސް ސިސްޓަމްތަކުގެ ސެކިއުރިޓީ އަޕްގްރޭޑް ކުރެވޭނެ އެންމެހާ ކަންކަން ތައާރަފްކުރުމާއި،މައްސަލަތައް ދިމާވާ އޭރިއާ ހޯދައި،އެކަންތަކަށް ދާއިމީ ހައްލު ހޯދައިދިނުން.

15.   އިދާރާގައި ބޭނުންކުރާ ސިސްޓަމްތަކުގެ ލައިސެންސް އަޕްޑޭޓްކޮށް ބެލެހެއްޓުމާއި،އޮޕަރޭޓިންގ ސިސްޓަމް އަޕްޑޭޓްކުރުމާއި،ސިސްޓަމްތައް ޓެސްޓުކޮށް ފަހުގެ ޓެކްނޮލޮޖީއާއި އެއްގޮތަށް އަޕްޑޭޓްކުރުން.

16.   ހާރޑްވެއަރ،ސޮފްޓްވެއަރ އަދި ނެޓްވޯކަށް ގެންނަންޖެހޭ ބަދަލުތައް ގެނެސް ހިދުމަތް މެދުނުކެޑި ދެވޭނެ ގޮތްތައް ހޯދައި އެކަންތައް އިންތިޒާމްކުރުމާއި،ޓެކްނޮލޮޖީއަށް އަންނަ ކުރިއެރުން ބަލައި ދިރާސާކުރުން.

17.   ޑިޕާރޓްމަންޓުގެ ޕޮލިސީއާއި،ބެސްޓް ޕްރެކްޓިސް ގައިޑްލައިންތައް ޑިވެލޮޕްކޮށް އިމްޕްލިމެންޓްކުރުން.

18.   ޑޮކިއުމަންޓް އަދި ޑިޕާޓްމަންޓްތަކަށް ދޭންވާ އެކްސެސްތަކުގެ ކަންތައްތައް ބަލަހައްޓާ ޑޮކިއުމަންޓް މެނޭޖް ކުރާނެ ސިސްޓަމެއް ގާއިމް ކުރުން.

19.   ކައުންސިލް އިދާރާގައި ބެހެއްޓިފައިވާ ސީސީޓީވީ ކެމެރާތައް މެއިންޓެނެނެސްކޮށް ބެލެހެއްޓުން.

20.   އިދާރާގެ ނެޓްވޯރކް އެޅުމާއި،ބެލެހެއްޓުމާއި،ނެޓްވޯރކަށް ދިމާވާ އެންމެހާ ކަންކަން ބެލެހެއްޓުން.

21.   ކޮމްޕިއުޓަރ ސިސްޓަމްތައް އޮޑިޓްކުރުމާއި،ޑައިގްނޯސްކުރުމާއި ސިސްޓަމްތަކުގެ ޕާރފޯމަންސް ރިޕޯރޓް އެކުލަވައިލުން.

22.   ޑިޕާޓްމަންޓްގެ މުވައްޒަފުންގެ މަސައްކަތްތައް ހިންގާ ނުހިނގާގޮތް ބަލާ،ސުޕަވައިޒްކޮށް ފޯރުކޮށްދޭންޖެހޭ އެހީތެރިކަން ފޯރުކޮށްދިނުން.

23.   އޮފިހުގެ ވެބްސައިޓް ޑިވެލޮޕް ކުރުމާއި ވެބްސައިޓް އަޕްޑޭޓް ކުރުން ނުވަތަ އަޕްޑޭޓް ކުރުމުގެ ޕްރޮސީޖަރތައް ހަދާ އިމްޕްލިމެންޓް ކުރުން.

24.   މިނިސްޓްރީތަކުންނާއި ދައުލަތުގެ ކަމާބެހޭ މުއައްސަސާތަކުން ނުވަތަ ރަށު ފެންވަރުގައި ފޯރުކޮށްދިނުމަށް ކަނޑައަޅާ ޚިދުމަތްތައް ކައުންސިލްގެ އިދާރާ މެދުވެރިކޮށް ފޯރުކޮށްދިނުމަށް ކުރަންޖެހޭ އެންމެހައި މަސައްކަތްތައް ކުރުމާއި،މިނިސްޓްރީތަކަށާއި،ދައުލަތުގެ ކަމާބެހޭ މުއައްސަސާތަކަށް ފޮނުވަންޖެހޭ ރިޕޯރޓްތަކާއި މަޢުލޫމާތުތައް ފޯރުކޮށްދިނުމަށް ކުރަންޖެހޭ އެންމެހައި މަސައްކަތްތައް ސުޕަވައިޒަރުގެ ލަފަޔާ އިރުޝާދުގެ މަތިން ކުރުން.

25.   ސަރުކާރު އިދާރާތަކާއި،އަމިއްލަ މުއައްސަސާތަކާއި އަދި އަމިއްލަފަރާތްތަކަށް ތަފާތު ބޭނުންތަކުގައި ފޮނުވޭ ޑޮކިއުމެންޓްތަކާއި،ސިޓީތަށް ސްކޭންކޮށް ފޮނުވަންޖެހޭ ފަރާތްތަކަށް ފޮނުވުމާއި،ފައިލްކުރުމާއި އަދި ފައިލިންގ ސިސްޓަމް ބެލެހެއްޓުން.

ކޮމްޕިއުޓަރ ޓެކްނީޝަން (ދާއިމީ)

ކޮމްޕިއުޓަރ ޓެކްނީޝަން - ދާއިމީ

ކައުންސިލް އެސިސްޓެންޓް

މަޤާމުގެ ނަންބަރުތައް:

ޕަބްލިކް ސާރވިސް ރޭންކް 1 - ސްޓެޕް 1

ޙާޞިރުވާ ކޮންމެ ދުވަހަށް -/60 ރުފިޔާ

ދައުލަތުގެ ޕޭ ފްރޭމްވަރކްގެ މިންގަނޑުތައް (01 ނޮވެންބަރު 2025 އެއްގޮތަށް) އިތުރު ގަޑީގެ ފައިސާއާއި އެހެނިހެން އިނާޔާތްތައް ލިބޭނެއެވެ.

ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

ކައުންސިލްގެ އިދާރާގެ މަސައްކަތްތަކާއި ކައުންސިލްގެ ނިންމުތައް ތަންފީޒުކުރުމާގުޅޭ އެންމެހާ ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ފުރިހަމައަށް ޖަވާބުދާރީވުން.

ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ، އެފަދަ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހައި ކަންތައް ސެކްރެޓަރީ ޖެނެރަލުގެ ނުވަތަ ސުޕަރވައިޒަރުގެ ލަފަޔާ އިރުޝާދުގެ މަތިން ކުރުން.

ކައުންސިލް އިމާރާތާއި ގޯތިތެރެ ކުނިކަހާ ސާފްކޮށް ބެލެހެއްޓުމާއި، ފޮޅާ ސާފްކޮށް، ދިޔަދޮވި ތަކާއި، ފުރާޅާއި، ޢިމާރާތްތަކުގެ ބެޑްޝީޓާއި، ބާލީހުއުރައާއި، ދޮރުފޮތިތައް ދޮވެ ސާފްކޮށް ބެލެހެއްޓުމާއި، ކައުންސިލް އިދާރާގެ އޭ.ސީ ތައް ސާފުކޮށް ބެލެހެއްޓުން.

ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ ދަށުން ކައުންސިލުން ފޯރުކޮށްދޭންޖެހޭ ޚިދުމަތްތައް ފޯރުކޮށްދިނުމުގައި އެހީތެރިވުމާއި އެންމެހައި މަސައްކަތްތައް ސުޕަވައިޒަރުގެ ލަފަޔާ އިރުޝާދުގެ މަތިން ކުރުން.

ކައުންސިލްގެ އިދާރާއިން އެކި ފަރާތްތަކަށް ފޮނުވަންޖެހޭ ސިޓީއާއި އެހެނިހެން ލިޔެކިޔުންތައް އެފަރާތްތަކަށް ރައްދުކުރުން.

ކައުންސިލްގެ އިދާރީ މުވައްޒަފުންގެ ދަށުން ޕޯސްޓް ތަކާއި ހަވާލުވެ ޕޯސްޓްތައް އޭގެ ވެރި ފަރާތްތަކަށް ހަވާލުކުރުން.

ޑިޕާރޓްމަންޓަށް ބޭނުންވާ ތަކެތި ޕްރޮކިއުމަންޓް އިން އަންގާގޮތެއްގެ މަތިން ހޯދާ ހަމަކުރުން.

ފައިލްތައް ތަރުތީބުކުރުމާއި، ފޮޅާ ސާފް ކުރުން.

ސްޓޮކްއަށް ބޭނުންވާތަކެތި ހޯދުމާއި، ސްޓޮކް ތަރުތީބުކުރުން.

އިންވެންޓްރީ ނެގުމުގައި ސުޕަރވައިޒަރަށް އެހީތެރިކަން ފޯރުކޮށްދިނުން.

ބިލުތަކަށް ފައިސާ ދެއްކުމުގައި އެހީތެރިވުން.

ޑިޕާރޓްމަންޓްތަކުން ހަވާލުކުރާ ތަކެތި ހަވާލުކުރުމާއި ރައްދުކުރުން.

ކައުންސިލްގެ އިދާރާއިން އިންތިޒާމްކޮށްގެން ބާއްވާ ބައްދަލުވުންތަކާއި، ޖަލްސާތަކާއި، ވޯކްޝޮޕްތަކާއި، ސެމިނާރތަކާއި، ކޮންފަރެންސްތަކާއި އަދި އެހެނިހެން އިވެންޓްތަކާ ގުޅިގެން ކުރަންޖެހޭ އިދާރީ މަސައްކަތްތައް ކުރުމުގައި އެހީތެރިވެދިނުން.

މަސައްކަތުގެ ދާއިރާގެ ތެރެއިން ކައުންސިލުން އިތުރުކަމެއް ކަނޑައަޅައިފިނަމަ އެ މަސައްކަތެއް ކުރުން.

ކައުންސިލުން ރާވާ އިންތިޒާމްކުރާ ޙަރަކާތްތަކާއި މަސައްކަތް ތަކުގައި ޢަމަލީ ގޮތުން ބައިވެރިވުން.

ކައުންސިލްގެ އިދާރާއަށް ބައްދަލުވުންތަކަށް އަންނަ ފަރާތްތަކަށް މެހެމާންދާރީ އަދާކުރުމުގެ ގޮތުން ކުރަންޖެހޭ ކަންކަން ކުރުން.

ކައުންސިލްގެ އިދާރާއިން ކަނޑައަޅާ އުޞޫލެއްގެ މަތިން ކައުންސިލްގެ އިދާރާ ހުޅުވައި ލެއްޕުން.

 ލިޔަން ކިޔަން އެނގުން.

މަޤާމަށް ކަނޑައަޅާފައިވާ ތަޢުލީމީ ރޮނގުތައް: ނެތް

މަޤާމަށް ކަނޑައަޅާފައިވާ ޕްރިފަރޑް ޑިސިޕްލިންތައް: ނެތް

މަޤާމަށް ކަނޑައަޅާފައިވާ ކޯ ޑިސިޕްލިންތައް: ނެތް

 މަޤާމުގެ މަސައްކަތުގެ ދާއިރާތައް:

ކުނިކަހާ ފޮޅާ ސާފުކުރުމުގެ މަސައްކަތް

އިދާރާގެ މަސައްކަތްތަކުގައި އެހީތެރިވުމުގެ ގޮތުން ކުރަންޖެހޭ މަސައްކަތްތައް

ހުށަހަޅަންޖެހޭ ލިޔުންތައް:

ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި އިދާރާގެ ވެބްސައިޓުންނާއި ކެނދިކުޅުދޫ ކައުންސިލް އިދާރާގެ ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.)  https://www.csc.gov.mv/Announcement/ViewDownloads/4?OrganisationID=0&IsActive=False&page=2

ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)

ވަޒީފާއަށް އެދޭ ފަރާތުގެ ދިވެހިރައްޔިތެއްކަން އަންގައިދޭ ކާޑުގެ (މުއްދަތު ހަމަވެފައިވީނަމަވެސް) ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައިޑީކާޑު ގެއްލިފައިވާނަމަ އެފަރާތެއްގެ އުފަންދުވަހުގެ ސެޓްފިކެޓް، ޕާސްޕޯޓް ނުވަތަ ޑްރައިވިންގ ލައިސަންސް

ސިވިލް ސަރވިސްއަށް/ ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.

ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛

(ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ.

(ށ)  ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ:

(ހ)   ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ)   ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ)   އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ)  ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

ކައުންސިލް އެސިސްޓެންޓް (ދާއިމީ)

ކައުންސިލް އެސިސްޓެންޓް - ދާއިމީ

އެސިސްޓެންޓް ކައުންސިލް އެގްޒެކެޓިވް

ޕަބްލިކް ސަރވިސް ރޭންކް 8 – ސްޓެޕް 1

އިކޮނޮމިކް، ސޯޝަލް، ޕްރޮޖެކްޓްސް އެންޑް މުނިސިޕަލް ސާރވިސަސް ސެކްޝަން، ޕްލޭނިންގ، ޕްރޮޖެކްޓްސް އެންޑް އިންފްރާސްޓްރަކްޗަރ މެނޭޖްމަންޓް ޔުނިޓް

ޙާޞިރުވާ ކޮންމެ ދުވަހަށް -/145 ރުފިޔާ

- ދައުލަތުގެ ޕޭ ފްރޭމްވަރކްގެ މިންގަނޑުތައް (01 ނޮވެންބަރު 2025 އެއްގޮތަށް) އިތުރު ގަޑީގެ ފައިސާއާއި އެހެނިހެން އިނާޔާތްތައް ލިބޭނެއެވެ.

ކައުންސިލްގެ އިދާރާގެ މަސައްކަތްތަކާގުޅޭ އެންމެހައި ކަންކަމުގައި ކައުންސިލަށާއި ސެކްރެޓަރީ ޖެނެރަލަށް ޖަވާބުދާރީވުން.

ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ ދަށުން ކައުންސިލުން ފޯރުކޮށްދޭންޖެހޭ ޚިދުމަތްތައް ފޯރުކޮށްދިނުމުގެ އެންމެހައި މަސައްކަތްތައް ކައުންސިލާއި ކައުންސިލްގެ ސެކްރެޓަރީ ޖެނެރަލްގެ ލަފަޔާ އިރުޝާދުގެ މަތިން ރާވައި، ހިންގައި ބެލެހެއްޓުން.

މިނިސްޓްރީތަކުންނާއި ދައުލަތުގެ ކަމާބެހޭ މުއައްސަސާތަކުން އަތޮޅު ނުވަތަ ރަށު ފެންވަރުގައި ފޯރުކޮށްދިނުމަށް ކަނޑައަޅާ ޚިދުމަތްތައް ކައުންސިލް އިދާރާ މެދުވެރިކޮށް ފޯރުކޮށްދިނުމަށް ކުރަންޖެހޭ އެންމެހައި މަސައްކަތްތައް ރާވައި، ހިންގައި ބެލެހެއްޓުން.

ތަރައްޤީގެ ޕްލޭންތައް އެކުލަވާލުމުގެ މަސައްކަތްކުރުމާއި، އެފަދަ މަސައްކަތްތަކުގައި އަމަލީގޮތުން ބައިވެރިވުމާއި އެކަމަށް ބޭނުންވާ އެހީތެރިކަން ފޯރުކޮށްދިނުން.

ޤައުމީ ތަރައްޤީގެ ޕްލޭން / އެކްޝަން ޕްލޭނުގެ ދަށުން ސިޓީ، އަތޮޅު ނުވަތަ ރަށުގައި ހިންގުމަށް ހަމަޖެހިފައިވާ މަޝްރޫއުތައް ތަންފީޒުކުރުމަށް ކުރަންޖެހޭ މަސައްކަތްތައް ރާވައި، ހިންގައި ބެލެހެއްޓުން. އަދި މަސައްކަތްތައް ކުރިއަށްދާގޮތުގެ ސްޓޭޓަސް ރިޕޯޓް ހަމަޖެހިފައިވާ ޢުޞޫލުތަކުގެ ތެރެއިން ކަމާބެހޭ ފަރާތްތަކާ ގަވާއިދުން ހިއްސާކުރުމުގެ މަސައްކަތް ހިންގައި ބެލެހެއްޓުން.

ސިޓީގެ، އަތޮޅުގެ ނުވަތަ ރަށުގެ ތަރައްޤީއަށްޓަކައި ހިންގުމަށް ރޭވޭ އެކި މަޝްރޫޢުތައް ތަންފީޒުކުރުމަށް ބޭނުންވާ ފައިސާ ހޯދުމަށް ތައްޔާރުކުރަންޖެހޭ ޕްރޮޕޯސަލްތައް ތައްޔާރުކުރުމާއި، އެފަދަ ޕްރޮޕޯސަލްތައް ކަމާބެހޭ ފަރާތްތަކަށް ހުށަހަޅައި، އެހީ ހޯދުމުގެ މަސައްކަތްތައް ޤާނޫނާއި ގަވާއިދުތަކުގައި ކަނޑައަޅާފައިވާ ހުދޫދުތަކުގެ ތެރެއިން ކުރުން.

ކައުންސިލްގެ އިދާރާއިން ބަލަހައްޓަންޖެހޭ ތަފާސް ހިސާބާއި މަޢުލޫމާތު ބެލެހެއްޓުމުގެ މަސައްކަތް ރާވައި، ހިންގައި ބެލެހެއްޓުން.

ކައުންސިލުން ދައުލަތުގެ ކަމާބެހޭ މުއައްސަސާތަކަށާއި އިދާރާތަކަށް ފޮނުވަންޖެހޭ ޕީރިއަޑިކް ރިޕޯޓުތައް ގަވާއިދުން ފޮނުވުމުގެ މަސައްކަތްތައް ރާވައި، ހިންގައި ބެލެހެއްޓުން.

ކައުންސިލްގެ ބޭނުމަށް ކުރަންޖެހޭ ދިރާސާތައް ކުރުމާއި ރިޕޯޓުތައް އެކުލަވާލުމާ ބެހޭ މަސައްކަތްތައް ރާވައި، ހިންގައި ބެލެހެއްޓުން.

ކައުންސިލްގެ އިދާރާގެ މުވައްޒަފުންގެ މަސައްކަތްތައް މޮނިޓަރކުރުމާއި، މުވައްޒަފުންނަށް ބޭނުންވާ ލަފަޔާއި އިރުޝާދު ދިނުމާއި، މުވައްޒަފުންގެ މަސައްކަތުގެ ފެންވަރު ރަނގަޅުކުރުމަށް އަޅަންޖެހޭ ފިޔަވަޅުތައް އެޅުމާއި އަދި މުވައްޒަފުންނަށް ފަހި، އަމާން އަދި ރައްކާތެރި މަސައްކަތުގެ މާހައުލެއް ޤާއިމުކޮށްދިނުމަށް ކުރަންޖެހޭ މަސައްކަތްތައް ރާވައި، ހިންގައި ބެލެހެއްޓުން.

ދިވެހި ސިވިލް ސަރވިސްގެ ގަވާއިދުތަކާއި އުޞޫލުތަކުގެ ދަށުން ކައުންސިލް އިދާރާގައި މަސައްކަތްކުރާ މުވައްޒަފުންނާގުޅޭ ކަންކަން ބެލެހެއްޓުމުގައި ސެކްރެޓަރީ ޖެނެރަލް އަށް އެހީތެރިވެދިނުން.

ކައުންސިލްގެ ބަޖެޓާބެހޭ ކަންކަމާއި ފައިސާގެ މުޢާމަލާތްތައް ދައުލަތުގެ މާލިއްޔަތު ޤާނޫނާއި ގަވާއިދާ އެއްގޮތްވާ ގޮތުގެމަތިން ހިންގުން، އަދި ކައުންސިލްގެ އިދާރާގެ އެހެން މުވައްޒަފުންވެސް އެގޮތަށް ޢަމަލުކުރޭތޯ ކަށަވަރުކުރުން.

ކައުންސިލްގެ އިދާރާއިން ފޯރުކޮށްދޭ ޚިދުމަތްތަކާގުޅޭ އަދި އިދާރާގެ އެތެރޭގެ ހިންގުން ހަރުދަނާކުރުމުގެ ގޮތުން ތައްޔާރުކުރަންޖެހޭ ސްޓޭންޑަރޑް އޮޕަރޭޓިންގ ޕްރޮސީޖަރތަކާއި އުޞޫލުތަކާއި މިންގަނޑުތައް އެކުލަވާލުމާއި ތަންފީޒުކުރުމުގެ މަސައްކަތް ރާވައި، ހިންގައި ބެލެހެއްޓުން.

ކައުންސިލްގެ އިދާރާގެ ޚިދުމަތުގެ ފެންވަރު ރަނގަޅުކޮށް، އަވަސް ޚިދުމަތްދެވޭނެ އިންތިޒާމް ހަމަޖެއްސުމަށް ކުރަންޖެހޭ މަސައްކަތްތައް ރާވައި، ހިންގައި ބެލެހެއްޓުން.

ކައުންސިލާއި ސެކްރެޓަރީ ޖެނެރަލްގެ އިރުޝާދުގެ މަތިން ސިޓީ، އަތޮޅު ނުވަތަ ރަށުގައި ހުންނަ ދައުލަތުގެ މުއައްސަސާތަކާއި ސަރުކާރުގެ އިދާރާތަކަށް ބޭނުންވާ އެއްބާރުލުން ދިނުމާއި އެހީތެރިކަން ފޯރުކޮށްދިނުން.

ސިވިލް ސާރވިސް ޤަވާއިދާއި އެއްގޮތްވާގޮތުގެ މަތިން މުވައްޒަފުންގެ މަސައްކަތް ވަޒަންކުރުމާއި، ވަޒީފާ ބަދަލުކުރުމާއި، މުނިފޫހިފިލުވުމުގެ ކަންކަން ބެލެހެއްޓުމާއި، މުވައްޒަފުންގެ އެންމެހާ ރިކޯޑްތައް ތަރުތީބުކޮށް ބެލެހެއްޓުމާއި މުވައްޒަފުން ނެގުމާއި ވަކިކުރުމުގެ އެންމެހާ މަސައްކަތްތައް ރާވައި، ހިންގާ ބެލެހެއްޓުން.

ޤާނޫނީ ހުކޫމާތު ދެމެހެއްޓުމާއި ޤާނޫނާއި ގަވާއިދާއި އެއްގޮތްވާގޮތުގެ މަތިން ކައުންސިލްގެ އެންމެހާ މަސައްކަތްތައް ކުރިއަށް ގެންދާކަން ކަށަވަރުކުރުމަށް ކުރަންޖެހޭ މަސައްކަތްތައް ރާވައި، ހިންގާ ބެލެހެއްޓުން.

ކެނދިކުޅުދޫ ކައުންސިލްގެ މުވައްޒަފުންނަށް ބޭނުންވާ ތަޢުލީމާއި ތަމްރީން ހޯދުމުގެ ފުރުޞަތުތައް ހޯދައިދިނުމާއި، މުވައްޒަފުންގެ ފެންވަރު މަތިކޮށް ޤާބިލްކަން އިތުރުކުރުމަށް ކުރަންޖެހޭ އެންމެހާ މަސައްކަތްތައް ރާވާ، ހިންގާ ބެލެހެއްޓުން.

ދަޢުލަތުގެ މާލިއްޔަތު ޤަވާއިދާއި އެއްގޮތްވާ ގޮތުގެ މަތިން ކައުންސިލްގެ މާލީ ކަންކަން ބެލެހެއްޓުމާއި ފައިސާ ހޯދުމާއި ފައިސާ ޚަރަދުކުރުމުގެ އެންމެހާ ކަންކަން ޤާނޫނާ ޤަވާއިދާއި އެއްގޮތްވާ ގޮތުގެ މަތިން ރާވާ، ހިންގާ ބެލެހެއްޓުން.

ކައުންސިލްތައް ހިންގުމުގެ ޢާންމު އިޖުރާޢީ ޤަވާއިދުގެ ދަށުން ކައުންސިލަރުންނަށް ފޯރުކޮށްދޭންޖެހޭ އެންމެހާ ކަންކަން ފަހިކޮށްދިނުމާއި، އިދާރާގެ ހިންގުން ހަލުވިކޮށް ދެފުށް ފެންނަ އުސޫލުން މަސައްކަތްތައް ކުރިއަށް ގެންދިއުމަށް ތަންފީޒުކުރަންޖެހޭ އެންމެހާ ކަންކަން ތަންފީޒުކުރުމާއި އެމަސައްކަތްތައް ރާވާ، ހިންގާ ބެލެހެއްޓުން.

ކައުންސިލް އިދާރާއިންނާއި ދަޢުލަތުގެ އެހެނިހެން އިދާރާތަކުން ކައުންސިލް މެދުވެރިކޮށް ހިންގާ އެންމެހާ ޕްރޮޖެކްޓްތައް ހިންގުމުގެ އެންމެހާ ކަންކަން ވިލަރެސްކުރުމާއި ޕްރޮޖެކްޓްތައް ހިންގުމަށް އިދާރީގޮތުން ކުރަންޖެހޭ އެންމެހާ މަސައްކަތްތައް ޤާނޫނާއި ޤަވާއިދާއި އެއްގޮތްވާގޮތުގެ މަތިން ކަނޑައަޅާ ތާވަލުތަކާއި އެއްގޮތަށް ކުރިއަށް ގެންދާކަން ކަށަވަރުކޮށް އެކަންކަން ވިލަރެސްކުރުން.

ކައުންސިލް އިދާރާގެ އެންމެހާ ޕްލޭނިންގ މަސައްކަތްތައް ވިލަރެސްކުރުމާއެކު އިދާރާގެ ތަރައްޤީގެ ޕްލޭނާއި ހަރަކާތު ޕްލޭނާއި އެއްގޮތަށް ރަށްވެހިކަމާއި، ބިން ބޭނުންކުރުމާއި، ޢުމްރާނީ ތަރައްޤީގެ ކަންކަން ކުރިއަށްގެންދިއުމާއި އެމަސައްކަތް ވިލަރެސްކުރުން.

ކައުންސިލް އިދާރާއިން ފޯރުކޮށްދޭ އިޖުތިމާޢީ ޚިދުމަތްތަކާއި ރަށްވެހިކަމުގެ ޚިދުމަތްތައް ދިނުމުގެ އެންމެހާ މަސައްކަތްތައް ކުރިއަށް ގެންދިއުމާއި އެކަންކަން ވިލަރެސްކުރުމާއި، މިފަދަ ޚިދުމަތްތައް މެދުނުކެނޑިކުރިއަށް ގެންދެވޭނެ ގޮތަށް މަސައްކަތްތައް ރޭވުމާއި އެފަދަ ޚިދުމަތްތައް ތަރައްޤީކޮށް ރައްޔިތުންނަށް ލުއިފަސޭހަގޮތެއްގައި ފޯރުކޮށްދިނުމަށް ކުރަންޖެހޭ އެންމެހާ މަސައްކަތްތައް ކުރުން.

ކެނދިކުޅުދޫގައި ދީނީ ޢިލްމު ފޯރުކޮށްދިނުމާއި، ރައްޔިތުންގެ މެދުގައި ދީނީ ހޭލުންތެރިކަން އިތުރުކުރުމަށް ކުރަންޖެހޭ އެންމެހާ މަސައްކަތްތައް ކައުންސިލާއި ސެކްރެޓަރީ ޖެނެރަލްގެ ލަފަޔާއި އިރުޝާދުގެ ދަށުން ކުރިއަށް ގެންދިއުން. އަދި ކެނދިކުޅުދޫގައި ހުރި ދީނީ ކަންކަމާއި ގުޅޭ އެންމެހާ ޢިމާރާތްތަކާއި މިސްކިތްތަކުގެ އެންމެހާ ޚިދުމަތްތައް ރާވައި، ހިންގާ ބެލެހެއްޓުން.

ކެނދިކުޅުދޫގެ ކުނިމެނޭޖުކުރުމުގެ އެންމެހާ މަސައްކަތްތައް ވިލަރެސްކުރުމާއި އިޖުތިމާއީ ސަހަރައްދުތައް ސާފުކޮށް ބެލެހެއްޓުމުގެ އެންމެހާ މަސައްކަތްތައް ރާވައި، ހިންގާ ބެލެހެއްޓުމާއި އެމަސައްކަތްތައް ތަރައްޤީކޮށް ރައްޔިތުންނަށް ލުއިފަސޭހަގޮތެއްގައި ފޯރުކޮށްދިނުމަށް ކުރަންޖެހޭ އެންމެހާ މަސައްކަތްތައް ކުރުން.

ކެނދިކުޅުދޫގައި ކުރިއަށް ގެންދާ ކުޅިވަރުގެ އެންމެހާ މަސައްކަތްތައް ވިލަރެސްކުރުމާއި، ޒުވާނުންނާއި ރަށުގެ ރައްޔިތުންނަށް އެކަށޭނަ ކުޅިވަރުތައް ތަޢާރަފުކޮށް ހިންގުމާއި އެފަދަ ކުޅިވަރުތައް ތަރައްޤީކޮށް ފެންވަރު ރަނގަޅުކުރުމުގެ އެންމެހާ ފުރުޞަތުތައް ފަހިކޮށްދިނުމާއި، ރަށު ރައްޔިތުންގެ ޞިއްޙީ ދުޅަހެޔޮކަން އިތުރުކުރުމަށް ހިންގަންޖެހޭ އެންމެހާ ހަރަކާތްތައް ރާވައި، ހިންގާ ބެލެހެއްޓުން.

ކެނދިކުޅުދޫ ކައުންސިލްގެ ޕާފޯމަންސް އަދި މާލީ ދުޅަހެޔޮކަން ރަނގަޅުކުރުމަށް އަޅަންޖެހޭ އެންމެހާ ފިޔަވަޅުތައް އެޅުމަށް ކުރަންޖެހޭ މަސައްކަތްތައް ކުރުމާއެކު، ރަށުގެ އިޤްތިޞާދު ކުރިއަރުވާ ރައްޔިތުންގެ ތަނަވަސްކަމާއި ވިޔަފާރި ކުރިއަރުވަން ކުރަންޖެހޭ އެންމެހާ މަސައްކަތްތައް ރާވާ، ހިންގާ ބެލެހެއްޓުން.

-          މަގާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 ގެ މާސްޓަރސް ޑިގްރީ ހާސިލްކޮށްފައިވުން.

-          މަގާމުގެ މަސައްކަތާ ގުޅުންހުރި ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ 8 ގެ ޑިގްރީއެއް ނުވަތަ ބެޗެލަރސް އޮނަރސް ޑިގްރީއެއް ހާސިލްކޮށްފައިވުމާއެކު، މަގާމުގެ މަސައްކަތުގެ ދާއިރާއެއްގައި 4 އަހަރުދުވަހުގެ މަސައްކަތުގެ ތަޖުރިބާ  ލިބިފައިވުން.

މަޤާމުގެ ތަޢުލީމީ ރޮނގުތައް:

https://www.csc.gov.mv/PostStructure/Index/36

މަގާމުގެ މަސައްކަތު ދާއިރާ:

-  އެޑްމިނިސްޓްރޭޝަނާގުޅޭ ފަންނީ މަސައްކަތްތަކާއި ދިރާސާ ކުރުމުގެ މަސައްކަތްތަކާއި އިދާރީ މަސައްކަތްތައް.

ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި މިއިދާރާގެ ކައުންޓަރުން އަދި ތިރީގައިވާ ލިންކުން ލިބެންހުންނާނެއެވެ.)    https://www.csc.gov.mv/download/2021/84/1e148c34-bc04-4150-9537-29309c104aa7.docx

ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).

ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައި ވާނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.

ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެ ނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއްނެތްކަމަށް، ވަޒީފާ އަދާކުރާ އޮފީހުން ދޫކޮށްފައިވާ ލިޔުން.

ވަޒީފާގެ ފުރުސަތު - އެސިސްޓެންޓް ކައުންސިލް އެގްޒެކެޓިވް (ދާއިމީ)

އެސިސްޓެންޓް ކައުންސިލް އެގްޒެކެޓިވް - (ދާއިމީ)

2026 ވަނަ އަހަރުގެ ދުނިޔޭގެ ކަނޑުތަކުގެ ދުވަހާ ގުޅުވައިގެން މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ކުރިއަށް ގެންދިއުމަށް ރާވާފައިވާ ޙަރަކާތްތަކާ ގުޅޭގޮތުން ދަންނަވަމެވެ.

މި އަހަރުގެ ކަނޑުތަކުގެ ދުވަހުގެ ޝިއާރު "Reimagine: Beyond The World We Know - A New Relationship With Our Ocean"  ގެ ދަށުން 20 ޖޫން 2026 ގައި ބޭއްވުމަށް ހަމަޖެހިފައިވާ "އެންމެން އެކުގައި މޫދަށް" މި ނަމުގައި ހިންގާ ހާއްޞަ ޙަރަކާތްތަކެއް ނ. ކެނދިކުޅުދޫގައިވެސް ކުރިއަށްދާނެ ވާހަކަ މަޢުލޫމާތަށްޓަކައި ދަންނަވަމެވެ. އެގޮތުން ކުރިއަށް ގެންދިއުމަށް ރޭވިފައިވާ ހަރަކާތްތަކުގެ ތެރޭގައި، މޫދު ކުޅިވަރާއި އަދި ފަޅާއި، ގޮނޑުދޮށް ސާފުކުރުމުގެ ޕްރޮގްރާމްތައް ހިމެނެއެވެ.

ސާފުކުރުމުގެ ޕްރޮގްރާމް ފެށިގެން ކުރިއަށްދާނެ ތަނާއި ވަގުތު ތިރީގައި އެވަނީއެވެ.

·         ތަން: ބަނދަރު މަރިޔާދުގެ ސަރަހައްދު

·         ތާރީހް: 20 ޖޫން 2026

·         ވަގުތު:ހެނދުނު 8:30 ގައި

މޫދު ކުޅިވަރު ހަރަކާތްތައް ފެށިގެން ކުރިއަށްދާނެ ތަނާއި ވަގުތު ތިރީގައި އެވަނީއެވެ.

·         ތަން: ކުޅުދޫއަވަށު ފާލަންމަގު ސަރަހައްދު

·         ވަގުތު:ހެނދުނު 11:30 ގައި

އަދި ދަންނަވަމެވެ. މި ޙަރަކާތްތަކުގެ ތެރެއިން ސާފުކުރުމުގެ އިވެންޓްގައި އެންމެ ގިނަ އަދަދަކަށް (ކިލޯގްރާމްއިން) ކުނި ހޮވައިގެން 1 ވަނަ 2 ވަނަ 3 ވަނައަށް އަންނަ ގްރޫޕުތަކަށް ޚާއްޞަ އިނާމުތަކެއްވެސް ދިނުމަށް ވަނީ ހަމަޖެހިފައެވެ.

ވީމާ، މިހަރަކާތްތަކުގައި ކެނދިކުޅުދޫގެ ވީހާވެސްގިނަ ރައްޔިތުންނާއި މުވައްސަސާތަކުން ގްރޫޕްތައް ހައްދަވައިގެން މި ޙަރަކާތްތަކުގައި ބައިވެރިވެވަޑައިގެން ދެއްވުމަކީ މި ކައުންސިލްގެ ވަރަށް ބޮޑު އެދުމެކެވެ. މި ހަރަކާތްތަކާއި ގުޅޭގޮތުން އިތުރު މަޢުލޫމާތު ސާފުކުރެއްވުމަށް ބޭނުންފުޅުވާނަމަ 9899877 ނުވަތަ 6560013 ފޯނު ނަންބަރާ ގުޅުއްވުން އެދެމެވެ. 

އިޢުލާން

ދުނިޔޭގެ ކަނޑުތަކުގެ ދުވަހުގެ ޙަރަކާތްތައް ކުރިއަށްދާނެ ސަރަހައްދާއި ވަގުތު އެންގުމާއި ގުޅޭ

މިއަހަރުގެ ދުނިޔޭގެ ކަނޑުތަކުގެ ދުވަސް ފާހަގަކުރުމުގެ ގޮތުން، މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް އޯޝަން ރިސޯސަސް އިން އިންތިޒާމުކޮށްގެން ކުރިއަށްގެންދާ ފަރުމަސްވެރިކަމުގެ މުބާރާތް 19  ޖޫން 2026 ވާ ހުކުރު ދުވަހު ރާއްޖޭގެ ހުރިހާ ރަށްތަކަކަށް ހުޅުވާލައިގެން ކުރިއަށްގެންދިއުމަށް ވަނީ ހަމަޖެހިފައެވެ. އެހެންކަމުން، މި މުބާރާތުގައި ބައިވެރިވުމުގެ ފުރުޞަތު ނ. ކެނދިކުޅުދޫގެ އެންމެހާ ރައްޔިތުންނަށާއި ޓީމުތަކަށް ހުޅުވާލަމެވެ.

މުބާރާތުގެ އުޞޫލާއި ޝަރުޠުތައް:

މި މުބާރާތުގައި ބައިވެރިވުމަށް އެދޭ ފަރާތްތަކުން ތިރީގައިވާ ގޫގުލް ފޯމް ލިންކް މެދުވެރިކޮށް ފޯމު ފުރިހަމަކުރެއްވުމަށްފަހު، 17 ޖޫން 2026 ވާ ބުދަ ދުވަހުގެ 18:00 ގެ ކުރިން ހުށަހެޅުއްވުން އެދެމެވެ.

ފޯމް ލިންކް: (https://forms.gle/XJ9zXUqTQNdyi5iD6)

މި މުބާރާތާ ގުޅޭގޮތުން އިތުރު މަޢުލޫމާތު ސާފުކުރެއްވުމަށް ބޭނުންފުޅުނަމަ 6560013 ނުވަތަ 9899877 ފޯނު ނަންބަރާ ގުޅުއްވުން އެދެމެވެ. މުބާރާތާ ގުޅިގެން މިނިސްޓްރީން އެކުލަވާލާފައިވާ އާންމު ގަވާއިދު، މި އިޢުލާނާއެކު އެއްކަރުދާސް ކުރެވިފައިވާނެއެވެ.

ވީމާ، މިކަން ޢާންމުކޮށް އަންގާ އިޢުލާން ކުރީމެވެ.

ދުނިޔޭގެ ކަނޑުތަކުގެ ދުވަހާ ގުޅިގެން ބާއްވާ ފަރުމަސްވެރިކަމުގެ މުބާރާތުގައި ބައިވެރިވުމުގެ ފުރުޞަތު ހުޅުވާލުމާ ގުޅޭ

ކުރިޔަށް އޮތް 1447 ވަނަ އަހަރުގެ އަޟްޙާ ޢީދު ބަންދާ ދިމާކޮށް، ނ. ކެނދިކުޅުދޫ ބަނދަރު ސަރަހައްދުން 02 (ދޭއް) ޓަކް ޝޮޕް ޤާއިމުކޮށް ޚިދުމަތްދިނުމަށް ބޭނުންވެއެވެ. މި ޓަކްޝޮޕްތައް ހިންގުމަށް ހުޅުވާލުމަށް ހަމަޖެހިފައިވަނީ ޖުމުލަ 10 (ދިހައެއް) ދުވަހުގެ މުއްދަތަށެވެ. އެއީ 24 މޭ 2026 އިން 02 ޖޫން 2026 ނިޔަލަށެވެ.

ކުއްޔަށް ދޫކުރުމަށް ހަމަޖެހިފައިވާ ޓޭކްއަވޭ އަދި ޓަކް ޝޮޕްގެ ތަފުޞީލް:

ތަން: ބަނދަރުމަތި ސަރަހައްދު (މޮނިއުމަންޓްގެ އުތުރުން އަދި ދެކުނުން)

ޓަކްޝޮޕުން ވިއްކާ ކާބޯތަކެތީގެ ރައްކާތެރިކަން ކަށަވަރު ކުރުމާއި، ތަނުގެ ސާފުތާހިރުކަން ބެލެހެއްޓުމާއި އަދި އުފެދޭ ކުނި މެނޭޖް ކުރުމަކީ ޓަކްޝޮޕް ކުއްޔަށް ހިފާ ފަރާތުގެ ޒިންމާއެކެވެ. ކުއްޔަށް ދޫކުރުމަށް ހަމަޖެހިފައިވާ އަދަދަށްވުރެ އިތުރަށް ބީލަން ސިޓީ ހުށަހަޅާފައިވާނަމަ ކުއްޔަށް ދޫކުރެވޭނީ އެންމެ މަތީ އަގު ހުށަހަޅާ ފަރާތަކަށެވެ. 2 ފަރާތުން އެއް އަގެއް ހުށަހަޅާފައިވާނަމަ ކުއްޔަށް ދޫކުރާނެ ފަރާތެއް ހޮވާނީ ގުރުއަތުންނެވެ. ކޮންމެ ފަރާތަކަށްވެސް ސިޓީ ހުށަހެޅޭނީ އެއް ޓަކްޝޮޕަށެވެ. އެއް ޓަކްޝޮޕްއަށް ވުރެއިތުރަށް އެއް ފަރާތްތަކުން ސިޓީ ހުށަހަޅާފައިވާނަމަ، އެފަރާތަކުން ހުށަހަޅާ ހުރިހައި ސިޓީއެއް ބާޠިލް ކުރެވޭނެއެވެ.

ބީލަމާއެކު ހުށަހަޅަންޖެހޭ ތަކެތި:

އަގުބަޔާންކޮށް ހުށަހަޅާ ސިޓީ (ދުވާލަކަށް ހުށަހަޅާ އަގު ވަކިން އެނގެން އޮންނަންވާނެ)

ދިވެހި ރައްޔިތެއްކަން އަންގައިދޭ ކާޑުގެ ކޮޕީ / ވިޔަފާރި ރަޖިސްޓްރީ ކޮޕީ

ބީލަން ނުވަތަ ސިޓީ ހުށަހަޅުއްވަންވާނީ ސިޓީއުރައިގާ ބަންދު ކުރުމަށްފަހު ސިޓީ އުރައިގެ ބޭރުގައި "ޓަކްޝޮޕް ހިންގުމަށް" މިހެން ލިޔުއްވާ އިޢުލާނު ނަންބަރު ޖެހުމަށް ފަހުގައެވެ. ބީލަން ސިޓީ ބަލައިގަތުމާއި ހުޅުވުން އޮންނާނީ 21 މޭ 2026 ވާ ބުރާސްފަތި ދުވަހުގެ 11:00 ގައި މިއިދާރާގެ ޖަލްސާ ކުރާ މާލަމް (ކެނދި މާލަމް) ގައެވެ. އިޢުލާނާ ގުޅޭގޮތުން އިތުރު މަޢުލޫމާތު ހޯދުމަށް ރަސްމީ ގަޑީގައި ނަންބަރު 6563930 އަށް ގުޅުއްވުން އެދެމެވެ.

ވީމާ މިކަން އާންމުކޮށް އެންގުމަށްޓަކައި އިޢުލާނުކުރީމެވެ.

ބަނދަރުގައި ޓަކް ޝޮޕް ހިންގުމުގެ ފުރުޞަތު ހުޅުވާލުމާ ގުޅޭ

1446 ވަަނަ އަހަރެކޭ އެއްފަދައިން މިއަހަރުވެސް ކެނދިކުޅުދޫ އިން ދެއަވަށުގައި އީދު ކުޅިވަރުތައް ކުރިއަށް ގެންދިއުމަށް އަވަށު އީދު ކޮމިޓީ ހެދުމަށްފަހު ޕްރޮޕޯސަލް ހުށައެޅުމަށް ހުޅުވާލަމެވެ. ވީމާ މިކަމަށް ޝައުޤުވެރިވާ ފަރާތްތަކުން އަވަށް ތަމްސީލުވާނޭހެން އީދު ކޮމިޓީ ހެއްދެވުމަށްފަހު ކޮމިޓީގެ މަޢުލޫމާތާއި އީދު ކުޅިވަރުތަކުގެ ޕްރޮޕޯސަލްއާއެކު ކައުންސިލަށް ހުށައެޅުމަށް ދަންނަވަމެވެ. ޕްރޮޕޯސަލްގައި ހިމަނަންޖެހޭ ކަންކަމުގެ ތަފްސީލް (ޓީ.އޯ.އާރު) ކަރުދާސް މި އިޢުލާނާއެކު ގެޒެޓްކޮށްފައިވާނެއެވެ.

ވީމާ މިކަމަށް ޝައުޤުވެރިވާ ފަރާތްތަކުން 20 މެއި 2026 ވާ ބުދަ ދުވަހުގެ 13:00 އަށް ކައުންސިލަށް ވަޑައިގެން ޕްރޮޕޯސަލް ހުށައެޅުމަށް ދަންނަވެމެވެ.

މަޢުލޫމާތު ކަރުދާސް

އަޟްޙާ ޢީދު ކުޅިވަރުތައް ހިންގުމަށް ޕްރޮޕޯސަލް ހުށައެޅުމުގެ ފުރުޞަތު ހުޅުވާލުން

ނަންބަރު: (IUL)286-MP/286/2026/33

ނ. ކެނދިކުޅުދޫ، ކުޅުދޫ އަވަށު "ލައިކް" އެވެ ކިޔާ ބަންޑާރަ ގޯތީގެ ގޯތީގެ ރަޖިސްޓްރީ ގެއްލިގެން އަލުން ރަޖިސްޓްރީ ހަދައިދިނުމަށް 13 އޭޕްރީލް 2026 ވަނަ ދުވަހު މިއިދާރާއަށް ހުށަހަޅާފައިވާތީ، މިރަޖިސްޓްރީ އާއި ބެހޭ އެއްވެސް މަޢުލޫމާތެއް ލިބިފައިވާ ފަރާތެއް ވާނަމަ 14 އޭޕްރީލް 2026  ވާ ބުރާސްފަތި ދުވަހުގެ 14:00 ގެ ކުރިން އެކަން ލިޔުމުން މިއިދާރާއަށް އަންގަވައި ދެއްވުން އެދި ދެންނެވީމެވެ.

ގޯތީގެ ނަން - ކުޅުދޫ. ލައިކް / ނ. ކެނދިކުޅުދޫ

ރަޖިސްޓްރީ ނަންބަރު - - 

ރަޖިސްޓްރީ ބާވަތް - ގޯތީގެ ރަޖިސްޓްރީ

ވީމާ, މިކަން އާންމުކޮށް އެންގުމަށްޓަކައި އިޢުލާނުކުރީމެވެ.

ނ. ކެނދިކުޅުދޫ "ލައިކް" އެވެ ކިޔާ ބަންޑާރަ ގޯތީގެ ގޯތީގެ ރަޖިސްޓްރީ ގެއްލުމާއި ގުޅޭ

ނަންބަރު: (IUL)286-MP/286/2026/32

ނ. ކެނދިކުޅުދޫ، ކުޅުދޫ އަވަށު "މުރިގު" އެވެ ކިޔާ ބަންޑާރަ ގޯތީގެ ޢިމާރާތާއި ގޯތީގެ ރަޖިސްޓްރީ ގެއްލިގެން އަލުން ރަޖިސްޓްރީ ހަދައިދިނުމަށް 13 އޭޕްރީލް 2026 ވަނަ ދުވަހު މިއިދާރާއަށް ހުށަހަޅާފައިވާތީ، މިރަޖިސްޓްރީ އާއި ބެހޭ އެއްވެސް މަޢުލޫމާތެއް ލިބިފައިވާ ފަރާތެއް ވާނަމަ 14 އޭޕްރީލް 2026  ވާ ބުރާސްފަތި ދުވަހުގެ 14:00 ގެ ކުރިން އެކަން ލިޔުމުން މިއިދާރާއަށް އަންގަވައި ދެއްވުން އެދި ދެންނެވީމެވެ.

ގޯތީގެ ނަން - ކުޅުދޫ. މުރިގު / ނ. ކެނދިކުޅުދޫ

ރަޖިސްޓްރީ ބާވަތް - ޢިމާރާތާއި ގޯތީގެ ރަޖިސްޓްރީ

ނ. ކެނދިކުޅުދޫ "މުރިގު" އެވެ ކިޔާ ބަންޑާރަ ގޯތީގެ ޢިމާރާތާއި ގޯތީގެ ރަޖިސްޓްރީ ގެއްލުމާއި ގުޅޭ

މުބާރާތުގައި ބައިވެރިވުމުގެ ފުރުޞަތު ދެވޭނީ ފުރަތަމަ ފޯމު ހުށަހަޅާ ފަރާތްތަކުގެ ތެރެއިން ޝަރުތު ހަމަވާ 20 (ވިހި) ޓީމަށެވެ.

ކޮންމެ ޓީމެއްގައި މެނޭޖަރާއެކު ގިނަވެގެން ހިމެނޭނީ 13 (ތޭރަ) މެންބަރުންނެވެ.

ޓީމުގެ މެނޭޖަރު ފިޔަވައި، އެހެން ހުރިހާ މެންބަރުންނަށް މަސްވެރިކަމުގެ ޢަމަލީ ހަރަކާތްތަކުގައި ބައިވެރިވެވޭނެއެވެ.

އިޢުލާނާއި ދެންނެވުން

ކޮމްޕިއުޓަރ ޓެކްނީޝަން - ދާއިމީ

ކައުންސިލް އެސިސްޓެންޓް - ދާއިމީ

އެސިސްޓެންޓް ކައުންސިލް އެގްޒެކެޓިވް - (ދާއިމީ)

ހުރިހާ އިއުލާނާއި ދެންނެވުން

ކޮމްޕިއުޓަރ ޓެކްނީޝަން - ދާއިމީ

ކައުންސިލް އެސިސްޓެންޓް - ދާއިމީ

އެސިސްޓެންޓް ކައުންސިލް އެގްޒެކެޓިވް - (ދާއިމީ)

ދުނިޔޭގެ ކަނޑުތަކުގެ ދުވަހުގެ ޙަރަކާތްތައް ކުރިއަށްދާނެ ސަރަހައްދާއި ވަގުތު އެންގުމާއި ގުޅޭ

ދުނިޔޭގެ ކަނޑުތަކުގެ ދުވަހާ ގުޅިގެން ބާއްވާ ފަރުމަސްވެރިކަމުގެ މުބާރާތުގައި ބައިވެރިވުމުގެ ފުރުޞަތު ހުޅުވާލުމާ ގުޅޭ

ބަނދަރުގައި ޓަކް ޝޮޕް ހިންގުމުގެ ފުރުޞަތު ހުޅުވާލުމާ ގުޅޭ

އަޟްޙާ ޢީދު ކުޅިވަރުތައް ހިންގުމަށް ޕްރޮޕޯސަލް ހުށައެޅުމުގެ ފުރުޞަތު ހުޅުވާލުން

ނ. ކެނދިކުޅުދޫ "ލައިކް" އެވެ ކިޔާ ބަންޑާރަ ގޯތީގެ ގޯތީގެ ރަޖިސްޓްރީ ގެއްލުމާއި ގުޅޭ

ނ. ކެނދިކުޅުދޫ "މުރިގު" އެވެ ކިޔާ ބަންޑާރަ ގޯތީގެ ޢިމާރާތާއި ގޯތީގެ ރަޖިސްޓްރީ ގެއްލުމާއި ގުޅޭ

ނޫނު ކެނދިކުޅުދޫ ކައުންސިލްގެ އިދާރާ

ނޫނު ކެނދިކުޅުދޫ ކައުންސިލްގެ އިދާރާ