2026 ވަނަ އަހަރުގެ ދުނިޔޭގެ ކަނޑުތަކުގެ ދުވަހާ ގުޅުވައިގެން މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން ކުރިއަށް ގެންދިއުމަށް ރާވާފައިވާ ޙަރަކާތްތަކާ ގުޅޭގޮތުން ދަންނަވަމެވެ.

މި އަހަރުގެ ކަނޑުތަކުގެ ދުވަހުގެ ޝިއާރު "Reimagine: Beyond The World We Know - A New Relationship With Our Ocean" ގެ ދަށުން 20 ޖޫން 2026 ގައި ބޭއްވުމަށް ހަމަޖެހިފައިވާ "އެންމެން އެކުގައި މޫދަށް" މި ނަމުގައި ހިންގާ ހާއްޞަ ޙަރަކާތްތަކެއް ނ. ކެނދިކުޅުދޫގައިވެސް ކުރިއަށްދާނެ ވާހަކަ މަޢުލޫމާތަށްޓަކައި ދަންނަވަމެވެ. އެގޮތުން ކުރިއަށް ގެންދިއުމަށް ރޭވިފައިވާ ހަރަކާތްތަކުގެ ތެރޭގައި، މޫދު ކުޅިވަރާއި އަދި ފަޅާއި، ގޮނޑުދޮށް ސާފުކުރުމުގެ ޕްރޮގްރާމްތައް ހިމެނެއެވެ.

ސާފުކުރުމުގެ ޕްރޮގްރާމް ފެށިގެން ކުރިއަށްދާނެ ތަނާއި ވަގުތު ތިރީގައި އެވަނީއެވެ.

· ތަން: ބަނދަރު މަރިޔާދުގެ ސަރަހައްދު

· ތާރީހް: 20 ޖޫން 2026

· ވަގުތު:ހެނދުނު 8:30 ގައި

މޫދު ކުޅިވަރު ހަރަކާތްތައް ފެށިގެން ކުރިއަށްދާނެ ތަނާއި ވަގުތު ތިރީގައި އެވަނީއެވެ.

· ތަން: ކުޅުދޫއަވަށު ފާލަންމަގު ސަރަހައްދު

· ތާރީހް: 20 ޖޫން 2026

· ވަގުތު:ހެނދުނު 11:30 ގައި

އަދި ދަންނަވަމެވެ. މި ޙަރަކާތްތަކުގެ ތެރެއިން ސާފުކުރުމުގެ އިވެންޓްގައި އެންމެ ގިނަ އަދަދަކަށް (ކިލޯގްރާމްއިން) ކުނި ހޮވައިގެން 1 ވަނަ 2 ވަނަ 3 ވަނައަށް އަންނަ ގްރޫޕުތަކަށް ޚާއްޞަ އިނާމުތަކެއްވެސް ދިނުމަށް ވަނީ ހަމަޖެހިފައެވެ.

ވީމާ، މިހަރަކާތްތަކުގައި ކެނދިކުޅުދޫގެ ވީހާވެސްގިނަ ރައްޔިތުންނާއި މުވައްސަސާތަކުން ގްރޫޕްތައް ހައްދަވައިގެން މި ޙަރަކާތްތަކުގައި ބައިވެރިވެވަޑައިގެން ދެއްވުމަކީ މި ކައުންސިލްގެ ވަރަށް ބޮޑު އެދުމެކެވެ. މި ހަރަކާތްތަކާއި ގުޅޭގޮތުން އިތުރު މަޢުލޫމާތު ސާފުކުރެއްވުމަށް ބޭނުންފުޅުވާނަމަ 9899877 ނުވަތަ 6560013 ފޯނު ނަންބަރާ ގުޅުއްވުން އެދެމެވެ.