ކެނދިކުޅުދޫގެ ކުނި މެނޭޖްކުރުމުގެ ދަށުން، އާންމުންގެ ޙިޔާލާ މަޝްވަރާގެ މަތިން، ކުނި މެނޭޖްކުރުމުގައި ލުޔެއް ދިނުމަށް މިކައުންސިލުން ބޭނުންވެއެވެ.

މިއަދުން ފެށިގެން ކޮންމެ ހުކުރު ދުވަހެއްގެ ހެނދުނު 6:00 އިން ފެށިގެން 11:00 އާއި ދެމެދު މީހުން ދިރިނޫޅޭ ގެވަޅުތަކުގައި ފަތްކުނި އެންދުމުގެ ހުއްދަ ދިން ވާހަކަ އެންމެހާ ފަރާތްތަކުގެ މަޢުލޫމާތަށްޓަކާ ދަންނަވަމެވެ. މީގެ އިތުރުން ކެނދިކުޅުދޫގައި މިހާރު ހިންގަމުންދާ ޕްރޮޖެކްޓްތަކާއި ދަނޑުވެރިކަމަށް ދޫކޮށްފައިވާ ބިންތަކަށް ކުއްޔަށް ނަގާފައިވާ ފަރާތުން އެދުމުން ޙާއްސަ ހުއްދައެއް ދެވޭނެ ކަމުގައި ދަންނަވަމެވެ.

ވީމާ، މިކަން ޢާންމުކޮށް އަންގާ އިޢުލާން ކުރީމެވެ.

15 މުޙައްރަމް 1446

21 ޖުލައި 2024